ڪرڪيٽ شوقينن لاءِ وڏي خبر، آسٽريلوي ٽيم وائيٽ بال سيريز لاءِ پاڪستان ايندي

ميلبورن (ويب ڊيسڪ) ڪرڪيٽ آسٽريليا جي نئين سي اي او ٽوڊ گرين برگ چيو آهي ته آسٽريلوي ٽيم ٽيم ايندڙ سال جي شروعات ۾ وائيٽ بال سيريز لاءِ پاڪستان جو دورو ڪندي.
آن لائن پريس ڪانفرنس دوران ٽوڊ گرين برگ چيو ته پاڪستان خلاف سيريز اسان جي شيڊيول جو اهم حصو آهي ۽ مون کي لڳي ٿو ته هي دورو هڪ ڀيرو ٻيهر سٺو تجربو ثابت ٿيندو.
هن ٻڌايو ته پاڪستان ۽ آسٽريليا جي وچ ۾ ريڊ بال ۽ وائيٽ بال سيريز بابت سٺي ڳالهه ٻولهه ٿي آهي، اسان پاڪستان ۾ وڌيڪ سيريز لاءِ موقعا ڳولينداسين.
ٽوڊ گرين برگ وڌيڪ چيو ته 2022 ۾ ڊگهي عرصي کانپوءِ اسان پاڪستان جو دورو ڪيو، جتي ڪينگروز جي تاريخي آجيان ڪئي وئي هئي.
هن چيو ته اسان بي بي ايل ۾ وڌيڪ پاڪستاني رانديگرن کي ڀليڪار چونداسين، ڇاڪاڻ ته انهن جي هتي تمام گهڻي مقبوليت آهي، جيڪڏهن پاڪستان جا اهم رانديگر بي بي ايل ۾ شامل ٿين ٿا ته اهو ليگ لاءِ لاڀائتو ثابت ٿيندو.