خيرپور ۾ ٽنل فارمنگ ذريعي عورت آبادگار بااختيار بڻجي ويون

سکر(رپورٽ:  امداد گل ڪلوڙ)  ضلعي خيرپور ميرس، سنڌ جي تعلقي ٿري مير واهه ۾ هڪ نئين اميد ۽ استقامت جو باب شروع ٿي ويو، ھي منصوبو مالٽيزر انٽرنيشنل-BMZ طرفان فنڊ ڪيل ۽ سنڌ رورل سپورٽ آرگنائيزيشن (سرسو) پاران لاڳو ڪيو پيو وڃي جنھنجو نالو “معاشرتي بحالي ۽ آبهوا جي خطرن کان بچاءُ”، آھي.

 اھيو پوئين ٻوڏ کان متاثر ٿيل زمينن کي ٽنل فارمنگ ذريعي سرسبز ۽ آباد بڻايو ويو آهي.ٻوڏ کان متاثر ٿيل يونين ڪائونسلز جھڙوڪ کھڙهڙهه، پير ٻڍڙو، سڀر رند، مهر ويسر ۽ ھندياڙيءَ ۾ ڏهه لو واڪنگ ٽنل فارم قائم ڪيا ويا آهن. اهي ٽنل فارم ڪاروباري ترقياتي گروپن (BDGs) پاران سنڀاليو وڃي ٿو،

 جنھن م سرسو پاران ٺاھيل  ڳوٺاڻي تنظيمن (VOs) جون عورتون آبادگار شامل آهن، جن کي يونين ڪائونسل جي سطح تي محلي دار مددگار تنظيمن (LSOs) جي مدد سان منظم ڪيو ويو آهي.

هر ٽنل فارم اڌ ايڪڙ تي پکڙيل آهي جيڪي ٽي مکيه سبزيون پوکي ٿو: ٽوري، ڪريلا ۽ کيرڙا، جن ۾ موسمي ۽ غير موسمي ٻئي قسمن جا فصل شامل آهن. اهي فارم عورت آبادگارن لاءِ معاش ۽ بااختيار جو هڪ ذريعو بڻجي ويا آهن، جيڪي نه صرف گهر جي استعمال لاءِ تازو پيداوار پوکينديون آهن پر وڌيڪ پيداوار مقامي بازارن ۾ وڪڻي، آمدني پڻ ڪمائينديون آهن.حاصل ڪيل زراعت، ڪاشتڪاري ٽيڪنڪ ۽ پاڻي جي انتظام جي عملن ذريعي، عورت آبادگار آبهوا جي خطرن کي منهن ڏيڻ ۽ پنهنجن خاندانن لاءِ بهتر مستقبل محفوظ ڪرڻ شامل آھن.

مَي 22, 2025