حڪومت جو قومي سلامتي بابت صلاحڪار مقرر ڪرڻ تي غور

اسلام آباد (ويب ڊيسڪ) پاڪستان ۽ ڀارت وچ ۾ جاري ڇڪتاڻ کي ڏسندي وفاقي حڪومت قومي سلامتي بابت صلاحڪار مقرر ڪرڻ تي غور شروع ڪري ڇڏيو، جنهن لاءِ اعليٰ سطحي مشاورت جو سلسلو جاري آهي.
ذريعن موجب نيشنل سيڪيورٽي ايڊوائيزر جو عهدو آگسٽ 2022 کان خالي آهي پر پهلگام فالس فليگ آپريشن کانپوءِ ڇڪتاڻ سبب وفاقي حڪومت قومي سلامتي بابت صلاحڪار جي مقرري تي غور شروع ڪري ڇڏيو آهي.
ذريعن جو چوڻ آهي ته ان حوالي سان اعليٰ سطحي مشاورت جاري آهي، نيشنل سيڪيورٽي ڊويزن وزيراعظم جي ماتحت ڪم ڪري رهي آهي.