دادو : ايس ايس پي دادو ڪيپٽن (ر) امير سعود مگسي جي صدارت هيٺ اجلاس ٿيو
دادو(رپورٽ:سرور جلال سولنگي ) ايس ايس پي دادو ڪيپٽن (ر) امير سعود مگسي جي صدارت هيٺ پارڪو لائن جي سيڪيورٽي بابت پوليس ۽ پارڪو سيڪيورٽي آفيسرن جو اجلاس ٿيو،
ايس ايس پي آفيس دادو جي ڪانفرنس هال ۾ ٿيل اجلاس ۾ دادو، رڪڻ، ميهڙ ۽ ڪي اين شاهه سب ڊويزنن جا ڊي ايس پي، لاڳاپيل سب ڊويزنن جي پوليس اسٽيشنن جا ايس ايڇ او ۽ وڏن منڇين، سي آءِ اي انچارج سميت شرڪت ڪئي،
جڏهن ته ڊي آءِ بي انچارج عبدالستار ميراڻي ۽ ايس ايس پي جي ريڊر محمد شريف زئنور پارڪو لائن جا سيڪيورٽي آفيسر ميجر (ر) محمد رئوف ۽ سينئر لائيزن آفيسر رٽائرڊ ڊي ايس پي محمد عمر شاهاڻي پڻ اجلاس ۾ موجود هئا،
اجلاس ۾ پارڪو لائين جي سيڪيورٽي تي تفصيل سان بحث ڪيو ويو، فيلڊ آفيسرن کي هدايت ڪئي وئي ته پارڪو لائن تي پوليس پڪٽنگ، پيٽرولنگ ۽ نگراني جي قدمن کي وڌيڪ اثرائتو بڻايو وڃي،
ماضي ۾ پارڪو لائن کي نقصان پهچائيندڙ عنصرن ۽ مشڪوڪ سرگرمين تي ويجهي نظر رکڻ لاءِ حڪمت عملي لاڳو ڪرڻ جي ڳالهه ڪئي وئي
ايس ايس پي دادو سڀني پوليس آفيسرن کي سختي سان هدايت ڪئي ته ان سلسلي ۾ ڪنهن به قسم جي غفلت يا لاپرواهي نه ڪئي وڃي.
سڀني پوليس آفيسرن ۽ پارڪوسيڪيورٽي اهلڪارن کي هدايت ڪئي وئي آهي ته فوري ڪارروائي ڪن ۽ جيڪڏهن اهي پارڪو لائن تي ڪا به غير معمولي يا غير قانوني حرڪت ڏسن ته فوري طور تي اعليٰ اختيارين کي اطلاع ڏيڻ.
جنوري 19, 2025اي پيپر
