هڪ قلم هڪڙو مان: “صوفي ٻير قدرت جو انمول تحفو”

رفيق ملاح  مانجهندائي

قدرتي جڙي ٻوٽين ۽ وڻن جي اهميت هر دور ۾ انساني صحت ماحول ۽ روحانيت لاءِ اهم رهي آهي. انهن مان صوفي ٻير جو وڻ جيڪو پنهنجي ميوي پنن ۽ ڇانوء سان نه صرف انسان جي جسماني پر روحاني سڪون جو به ذريعو آهي. هن وڻ کي نه صرف طبيعتن ۾ سڪون ۽ توانائي فراهم ڪرڻ لاءِ ڄاتو وڃي ٿو پر ان کي اسلامي ثقافت ۾ به خاص حيثيت حاصل آهي اچون ٿا صوفي ٻير جي فائدن طرف معزز قلم جي تحرير پڙهندڙئو صوفي ٻير جو ميوو غذائي ۽ طبي خاصيتن سان ڀرپور آهي ان ۾ وٽامن سي ڪاربوهائيڊريٽ ۽ غذائي فائبر جو ذخيرو موجود آهي جيڪو نه صرف جسماني مدافعت وڌائڻ ۾ مددگار آهي پر هاضمي جي نظام کي بهتر بنائڻ لاءِ به تمام ڪارائتو آهي ان جا ميوا رت کي صاف ڪرڻ ۽ جسم مان زهريلا مواد خارج ڪرڻ جي صلاحيت رکن ٿا خاص ڪري صوفي ٻير کي ذیابطيس جي ڪنٽرول لاءِ هڪ موثر جڙي ٻوٽي طور استعمال ڪيو وڃي ٿو ان جا پن ۽ ميوو رت ۾ شگر ليول کي متوازن رکڻ لاءِ فائديمند آهن اهو ئي سبب آهي جو روايتي طب ۾ ان کي هميشه اهميت ڏني وئي آهي

صوفي ٻير جي ميوي ۽ ان جي پنن مان تيار ٿيل ماسڪ چمڙي جي مختلف مسئلن جهڙوڪ خارش ڦرڙيون ۽ ڦٽيل چمڙي جي علاج لاءِ استعمال ٿيندا آهن ، ان سان نه صرف چمڙي صاف ٿيندي آهي پر ان کي تازگي به ملندي آهي صوفي ٻير جو وڻ خاص طور تي روحانيت سان وابسته آهي ان کي صوفي بزرگن ۽ درويشن جي زندگي ۾ هڪ خاص جاءِ حاصل رهي آهي درگاهن تي اڪثر صوفي ٻير جا وڻ لڳل هوندا آهن جن کي مقدس سمجهيو وڃي ٿو ان جي ڇانو ۾ ويهڻ کي نه صرف جسماني آرام جو وسيلو پر روحاني سڪون جو ذريعو به سمجهيو وڃي ٿو.

اسلامي روايتن ۾ ٻير کي پاڪائي ۽ صفائي جي علامت طور به ڏٺو ويندو آهي. ان جا پن ۽ ميوو ڪيترن ئي مذهبي رسمن ۾ استعمال ٿيندا آهن خاص ڪري جنازي کان پوء  غسل لاءِصوفي ٻير جو وڻ پنهنجي گهاٽي ڇانوَ ۽ گهڻن فائدن سبب ماحولياتي نظام لاءِ به وڏي اهميت رکي ٿو اهو ڪاربان ڊاءِ آڪسائيڊ کي جذب ڪري ماحول کي صاف رکڻ ۾ مددگار آهي، ان ڪري ڪوشش ڪري  تازو ميوو کائجي، خشڪ ٻير پائوڊر جي صورت ۾ استعمال ڪرڻ سان جسم جي سڙيل چمڙي خارش لاء مفيد ان جا پن چانھ يا جوشاندو طور پيئڻ گهرجن .

صوفي ٻير هڪ اهڙو قدرتي تحفو آهي جيڪو جسماني صحت روحاني سڪون ۽ ماحولياتي فائدن جو عظيم ذريعو آهي ان جي حفاظت ۽ پوک کي هٿي ڏيڻ اسان جي ذميواري آهي جيئن ايندڙ نسلون به ان جي انمول فائدن مان لاڀ حاصل ڪري سگهن

نوٽ: جيڪڏهن توهان وٽ صوفي ٻير بابت وڌيڪ ڄاڻ يا تجربا آهن، مهرباني ڪري شيئر ڪريو ته جيئن ان جي افاديت کي وڌيڪ اجاگر ڪري سگهجي.

جنوري 12, 2025