امر سچ ۾ امر آ

شازيه مظهر

مونکي ناھي خبر

ته امر سنڌوڪير آهي،

ھوءَ ڪھڙو ذھن رکي ٿي

ڪهڙو فڪر رکي ٿي

ھن جو اسڪول آف ٿاٽ

ڪھڙو آھي،

ھوءَ ڪھڙو ويس پائي ٿي

اھڙو ويس ڇو پائي ٿي،

ھوءَ پنھنجي ھستي ۽ مستي

۾ سرشار ڇو رھي ٿي

ھوءَ مست ملنگ ڇو آھي

ھوءَ اھڙي ڇو آ؟

ھوءَ عورت آھي

ان ڪري مونکي پياري آهي

نه ائين به ڪونهي

ھوءَ سڀ کان نرالي آھي

ائين به ڪونھي

پر پوءِ به منھنجي دل

جي ويجھو آهي!

نه ڪڏھن ھن سان ڪچھري ڪئي

نه ڪڏھن ھن سان ملاقاتون ٿيون

پر ها ان جي جاکوڙ کان

ڀلي ڀت واقف آهيان،

امر ڪنھن لاءِ ڪئين به ھجي

پر مون لاءِ ڪامياب انسان آھي

ھوءَ پدري نظام جي خلاف

رڳو بيٺي ناھي

پر

پنھنجي اٿڻي ويهڻي مان به ظاھر ڪيو آهي

ھن مارئي ٿي الائي ڪيترن عمرن کي ٺڪرايو ھوندو،

امر سچ ۾ امر آهي

۽ سچ

هر دور ۾

ناقابل برداشت رهيوآ

اڄ فيس بڪ  تي

سندس خلاف محاذ

کڙو ڪيو ويو آهي.

پر بقول زرار صاحب جي

هي فيس بڪ جا ڪمينٽ

اصل ۾ماڻهن جي سوچ جا الٽرا سائونڊ آھن

جيڪي ھر ماڻھوءَ کي پڌرو ڪندو آهن

سو ڏوهه امر سنڌو جو ناهي

گدلاڻ انهن ذهنن جي آ

جيڪا فيس بڪ تي

الٽرا سائونڊ بڻجي

نتيجو پڌروڪندي  آ-

جنوري 4, 2025