ملير پوليس  پاران مختلف علائقن ۾ ڪارروايون، پنج ڏوهاري گرفتار ڪرڻ جي دعويٰ

ملير (ڊر )  ملير پوليس مختلف علائقن ۾ ڪارروايون ڪندي پنج ڏوهارين کي گرفتار ڪرڻ جي دعوي ڪئي آهي

ابراهيم حيدري پوليس بينظير چوڪ ويجهو پوليس مقابلي ۾ هڪ ڏوهاري شعيب احمد عرف اسلم کي زخمي حالت ۾ گرفتار ڪري وٺائس پسٽل گوليون موٽر سائيڪل ۽ شهري کان ڦر ڪيل 70 هزار روپيا هٿ ڪري ورتا آهن پوليس جو چوڻ آهي گرفتار جوابدار پوليس کي گهربل هو

ٻئي طرف ميمڻ ڳوٺ پوليس شهري جي بروقت اطلاع تي ملير ندي ويجهو ڪارروائي ڪندي ڦر وارداتن ۾ ملوث ٽن جوابدارن قاسم، عامر ۽ احمد بگو کي گرفتار ڪري پسٽل گوليون ۽ شهري کان ڦر ڪيل موبائيل فون ڪيش توڙي ٻيو قيمتي سامان هٿ ڪري ورتو

ميمڻ ڳوٺ پوليس جو چوڻ آهي گرفتار ڪيل جوابدار شهري کان ملير ندي عثمان خاصخيلي ڳوٺ ويجهو هٿيارن جي زور تي ڦر ڪري فرار ٿي ويا هئا شهري پاران بروقت پوليس کي اطلاع ڏيڻ تي پوليس پاران شيدي ڳوٺ ويجهو ناڪابندي ڪندي ٽن جوابدارن کي گرفتار ورتو آهي پوليس جو چوڻ آهي گرفتار جوابدار عادي ڏوهاري آهن

ٻئي طرف ميمڻ ڳوٺ پوليس گٽڪا ماوا فروش جوابدار عبدالغفور کي گرفتار ڪري وٺائس وڏي مقدار ۾تيار ڪيل گٽڪا ماوا هٿ ڪرڻ جي پڻ دعوي ڪئي آهي

ملير پوليس ترجمان جو چوڻ آهي ته گرفتار ڪيل جوابدارن خلاف ڌار ڌار ڪيس داخل ڪري کين جاچ پوليس حوالي ڪري ڇڏيو آهي

ڊسمبر 22, 2024