نادار پينشنرز ۽ پيرسن شهرين جي سهولت لاءِ وڏو قدم کڻي ورتو
اسلام آباد (ويب ڊيسڪ) نادرا آڱرين جي ڪمزور نشان رکندڙ پينشنرز ۽ پيرسن شهرين لاءِ چهري جي سڃاڻپ جو نئون نظام متعارف ڪرائڻ جو فيصلو ڪيو آهي.
تفصيل موجب، نيشنل ڊيٽابيس اينڊ رجسٽريشن اٿارٽي (نادرا) ۾ هڪ مشاورتي ڪانفرنس ڪوٺائي وئي ، جتي سڃاڻپ جي تصديق ۾ پيش ايندڙ مسئلن ۽ نادرا پاران ريگوليٽرز ۽ شهرين کي ڪنهن به رنڊڪ کان سواءِ سهولتون فراهم ڪرڻ لاءِ ڪيل قدمن تي خيالن جي ڏي وٺ ڪئي وئي.
ڪانفرنس جي شروعات ۾ نادرا جي چيئرمين ليفٽيننٽ جنرل محمد منير افسر سڃاڻپ جي تصديق واري نظام تحت مختلف شعبن کي پيش ايندڙ مسئلن، انهن کي حل ڪرڻ ۽ نظام ۾ جدت آڻڻ جي ضرورتن بابت تفصيلي بريفنگ ڏني.
ڪانفرنس دوران آڱرين جي ڪمزور نشان رکندڙ شهرين، خاص طور تي پنشنرز ۽ پيرسن شهرين کي تصديق ۾ پيش ايندڙ مسئلن تي به تفصيلي خيالن جي ڏي وٺ ڪئي وئي.
ڪانفرنس کانپوءِ، نادرا اختيارين طرفان آڱرين جي ڪمزور نشان رکندڙ بزرگ شهرين جي سهولت لاءِ پنشنرز ۽ بزرگ شهرين لاءِ چهري جي سڃاڻپ جو نئون نظام متعارف ڪرائڻ جو فيصلو ڪيو ويو، جيڪو 15 جنوري کان متعارف ڪرايو ويندو.
اي پيپر
