ايمپائر ٽائون جي چيئرمين ٽائون وقار علي ڀٽو پاران مختلف علائقن جو دورو

لاڙڪاڻو (رپورٽر) پ پ چيئرمين بلاول ڀٽو زرداري جي پوليٽيڪل سيڪريٽري ايم پي اي لاڙڪاڻو جميل احمد سومرو جي ھدايتن تي ايمپائر ٽائون جي چيئرمين ٽائون وقار علي ڀٽو پاران مختلف علائقن ڀرپور نموني سان ڪم جاري رکيا آهن

 علائقي واسين پاران کيس جي واکاڻ تفصيل موجب لاڙڪاڻو جي چئن ٽائونن مان ايمپائر ٽائون جو ڪم اڳ ڀرو ٿيڻ لڳو، چيئرمين وقار علي ڀٽو جي جاکوڙ تيز ٿي وئي، پ پ چيئرمين بلاول ڀٽو زرداري جي پوليٽيڪل سيڪريٽري ايم پي اي جميل احمد سومرو جي ھدايتن تي ڪمن ۾ تيزي آڻي ڇڏي

 ايمپائر ٽائون جي مختلف علائقن ۾ ايم پي اي کان اسڪيمون ڏياري گهٽين ۾ پيور بلاڪ توڙي ڊرينج جي نظام جي بھترين لاءِ ڪم ڪرائي ورتا جڏهن ته صفائي سٿرائي توڙي لائيٽنگ کي بھتر بڻائن کان علاوه مختلف ھنڌن تي سولر پلانٽ لڳرايا ويا آهن، ان کان سموري ٽائون جي مختلف علائقن ۾ امن امان جي بھترين لاءِ ڪافي علائقن ۾ سي سي ٽي ڪئميرائون پڻ لڳايون ويون آهن

ھوڏانھن رابطو ڪرڻ تي ايمپائر ٽائون جي چيئرمين وقار علي ڀٽو ٻڌايو آهي ته پ پ قيادت ھميشہ عوامي خدمت تي يقين رکيو آهي، ايمپائر ٽائون جي ايريا اندر ڪم کي بھتر بڻائن لاءِ ڪوششون جاري آهن ڪنهن جي به بليڪ ميلنگ ۾ نه ايندس اجايو پروپيگنڊا ڪن ٿا اھو شوق ڀلي پورو ڪن، پنهنجو ڪم جاري رکندا سين.

ڊسمبر 20, 2024