ڌوني بالي ووڊ جي وڏن ستارن کي مات ڏئي ڇڏي

ڀارتي ڪرڪيٽ ٽيم جي اڳوڻي ڪپتان مهيندرا سنگهه ڌوني 2024 ۾ برانڊز جي دنيا ۾ شاهه رخ خان ۽ اميتاڀ بچن جهڙن سپر اسٽارز کي به پوئتي ڇڏي ڏنو.
ريسرچ فرم YAM ميڊيا موجب ڌوني سال 2024 جي پهرين 6 مهينن ۾ 42 برانڊن جي نمائندگي ڪئي، جڏهن ته اميتاڀ ۽ شاهه رخ 34 برانڊن جي نمائندگي ڪئي، اها ڪاميابي ڌوني جي عوامي مقبوليت جي عڪاسي ڪري ٿي.
ڌوني، جنهن 2020 ۾ عالمي ڪرڪيٽ تان رٽائرمينٽ ورتي هئي، اڄ به انڊين پريميئر ليگ ۾ چنئي سپر ڪنگز ذريعي ميدان ۾ نظر ايندو آهي، سندس قيادت ۾ ٽيم 5 ڀيرا آءِ پي ايل جو ٽائيٽل کٽيو.