بالي ووڊ جو سڀ کان مشهور ادڪار ڪير؟ لسٽ سامهون اچي وئي

جڳ مشهور فلم ڊيٽا بيس ويب سائيٽ ”آءِ ايم ڊي بي“ هلندڙ سال جي سڀ کان مشهور ڀارتي فلمي ستارن جي فهرست جاري ڪري ڇڏي.
آءِ ايم ڊي بي طرفان جاري ڪيل فهرست انتهائي حيران ڪندڙ آهي ڇو ته پهرئين جوڙ جي ڀارتي اداڪارن ۾ نه دپيڪا پاڊڪون آهي نه ئي شاهه رخ خان يا عاليا ڀٽ پر هلندڙ سال سڀ کان وڌيڪ شهرت ماڻيندڙ اداڪارا جو اعزاز ترپتي ڊمري ماڻيو آهي.
پرڏيهي ميڊيا رپورٽس موجب، آءِ ايم ڊي بي اِها فهرست ماهوار 25 ڪروڙ کان وڌيڪ ويب سائيٽ وزيٽرز جي پيج ويوز ڏسڻ کانپوءِ مرتب ڪئي آهي.
ترپتي ڊمري گذريل سال ڊسمبر ۾ رليز ٿيل بلاڪ بسٽر فلم ” اينيمل“ ذريعي شهرت ماڻي ۽ سندس ڪردار کي تمام گهڻو ساراهيو ويو.
هلندڙ سال سندس ٽي فلمون رليز ٿيون جنهن ۾” بيڊ نيوز“ ”وِڪي وديا ڪا وه والا وڊيو“ ۽ ”ڀول ڀليا“ شامل آهن.
آءِ ايم ڊي بي لسٽ ۾ پهريون نمبر ماڻڻ تي پنهنجي بيان ۾ اداڪارا چيو ته ” ان فهرست ۾ پهريون نمبر اچڻ واقعي ئي هڪ اعزز آهي، اِهو اعزاز مداحن جي شاندار سپورٽ ۽ ساٿي اداڪارن جن سان مان ڪم ڪيو انهن جي محنت جي عڪاسي ڪري ٿو.
آءِ ايم ڊي بي لسٽ ۾ اداڪارا دپيڪا پاڊڪون ٻيو جڏهن ته اداڪار اِشان کٽر جو ٽيون نمبر آهي، جڏهن ته بالي ووڊ بادشاهه شاهه رخ خان جي چوٿين پوزيشن آهي.
فهرست ۾ پنجون نمبر سوڀيتا ڌُلي پالا ۽ ڇهون نمبر شروري جو آهي، جڏهن ته ايشوريا راءِ بچن ستين، سمانٿا اٺين، عاليا ڀٽ نائين ۽ پرڀاس ڏهين نمبر تي موجود آهي.