انگلينڊ خلاف ايندڙ ٻن ٽيسٽ ميچن لاءِ اسڪواڊ جو اعلان، بابر، شاهين ۽ نسيم آئوٽ

لاهور (ويب ڊيسڪ) انگلينڊ خلاف ٻي ۽ ٽين ٽيسٽ ميچ لاءِ قومي اسڪواڊ جو اعلان ڪيو ويو، جنهن مان بابر اعظم، نسيم شاهه ۽ شاهين آفريدي کي ڊراپ ڪيو ويو آهي، جڏهن ته اسپنر ابرار احمد کي بخار سبب آرام ڏنو ويو آهي.
پاڪستان ڪرڪيٽ بورڊ انگلينڊ خلاف باقي ٻن ٽيسٽ ميچن لاءِ 16 رڪني اسڪواڊ جو اعلان ڪري ڇڏيو.
انگلينڊ خلاف ٽيسٽ سيريز جي رهيل ٻن ميچن لاءِ بابر اعظم، شاهين آفريدي ۽ نسيم شاهه کي ڊراپ ڪري نون رانديگرن کي اسڪواڊ جو حصو بڻايو ويو آهي، جڏهن ته ابرار احمد بخار ۾ مبتلا هجڻ سبب اسڪواڊ جو حصو ناهي.
قومي ٽيم جي اسڪواڊ ۾ شان مسعود (ڪپتان)، سعود شڪيل (نائب ڪپتان)، عامر جمال، عبدالله شفيق، حسيب الله، ڪامران غلام، مهراڻ ممتاز، مير حمزا، محمد علي، محمد هريرا، محمد رضوان، نعمان علي، صائم ايوب، ساجد خان، سلمان علي آغا، زاهد محمود شامل آهن.