هانيا عامر ۽ دلجيت دوسانجهه جي وڊيو وائرل

لنڊن( ويب ڊيسڪ ) بالي ووڊ اداڪار ۽ گلوڪار دلجيت دوسانجهه جي پاڪستاني اداڪارا هانيا عامر سان گڏ وڊيو وائرل ٿي وئي .
گلوڪار دلجيت دوسانجهه اڄڪلهه لنڊن ۾ موجود آهي جتي هو مختلف ڪانسرٽز ۾ پنهنجي آواز جو جادو جڳائي ماڻهن جو ڌيان ۽ داد حاصل ڪري رهيو آهي.
لنڊن ۾ گلوڪار جي ڪانسرٽ کي ٻڌڻ مشهور اداڪارا هانيا به پهچي وئي جتي گلوڪار کيس سڃاڻي ورتو.
سوشل ميڊيا تي دلجيت سوسانجهه جي هڪ وڊيو وائرل ٿي رهي آهي جنهن ۾ راڳي هانيا عامر کي سڃاڻيندي کيس اسٽيج تي اچڻ جو چيو.
وڊيو ۾ ڏسي سگهجي ٿو ته هانيا عامر اسٽيج تي آئي ۽ ان دوران گلوڪار گيت ڳائيندو رهيو گيت جي پڄاڻي تي دلجيت هانيا جي هٿن ۾ مائيڪ ڏئي ڇڏي جنهن تي هانيا شو ۾ آيل پرستارن ۽ گلوڪار جا ٿورا مڃيا.
واضح رهي ته ان کان اڳ هانيا عامر جي ڀارتي گلوڪار بادشاهه سان گڏ به مختلف وڊيوز سامهون آيون هيون ۽ ٻنهي جي دوستيءَ جا چرچا سرحد پاڻ پڻ ٿيا هئا.