درٻيلو جي سياسي سماجي اڳواڻ سيد اڪبر شاهه پاران گورنمينٽ پرائمري اسڪول نيو تڪ ٺاروشاھه جو دورو

ٺاروشاھه ( رپورٽ:  اسد سولنگي)  درٻيلو جي سياسي سماجي اڳواڻ سيد اڪبر شاهه پاران گورنمينٽ پرائمري اسڪول نيو تڪ ٺاروشاھه جو دورو ڪيو ۽ 200کان مٿي غريب شاگردن ۽ شاگردياڻين ۾ مفت ڪتاب ڪاپيون ۽ اسڪولي بيگس تقسيم ڪيا

جڏهن ته اسڪول جي هيڊماستر استاد فرقان ملڪ، سائين ارشاد سولنگي، استاد ذوالفقار سولنگي سميت ٻين استادن سندن آجيان ڪئي ۽ اسڪول ۾ پيئڻ جي ٿڌي پاڻي، سولر پلانٽ سميت ٻين مسئلن کان آگاهه ڪيو

ان موقعي تي سيد اڪبر شاهه جو چوڻ هو ته سرڪاري اسڪولن ۾ سهولتن جي کوٽ هئڻ ۽ سخت گرمي ۾ شاگردن جي تعليم متاثر ٿي رهي آهي سندن ڪوشش آهي ته پنهنجي وس آهر مدد ڪئي وڃي

 هن چيو ته جلد نيو تڪ  اسڪول ۾ سولر پلانٽ لڳرايو ويندو جيئن معصوم ٻار گرمي کان بچي سگهن ۽ سندن تعليم متاثر نه ٿئي

سيپٽمبر 26, 2024