وري هڪ امير اداڪارا جي ڪار جو رڪشا کي ٽڪر، عوام تپي باهه

ڪراچي (ويب ڊيسڪ) گذريل ڏينهن ڪراچي جي علائقي ڪلفٽن ۾ مقبول اداڪارا انجلين ملڪ جي گاڏي سان حادثو پيش آيو. انجلين ملڪ جي گاڏي هڪ رڪشا ۽ هڪ گاڏي کي ٽڪر هنيو هو جنهن کانپوءِ هجوم سندس گاڏي کي گهيري ورتو ۽ واقعي جي وڊيو سوشل ميڊيا تي وائرل ٿي وئي.

وڊيو ۾ ڏسي سگهجي ٿو ته انجلين ملڪ گاڏي ۾ موجود آهي جڏهن ته کوڙ ماڻهو سندس گاڏي کي گهيري بيٺل آهن ۽ کيس ٻاهر نڪرڻ لاءِ چئي رهيا آهن.

ميڙاڪي ۾ موجود ماڻهن انجلين ملڪ جو بائيل کڻي ورتو جنهن تي اداڪارا فون واپس ڪرڻ جو مطالبو ڪندي رهي ته هو فرار ناهي ٿي رهي، هتي ئي بيٺي آهي، موبائيل فون ڏيو ڪنهن کي گهرائڻو آهي.

ماڻهن انجلين جي ڳالهه نه ٻڌي ۽ گاڏي مان لهي نقصان ڀرڻ جو چيو.

جيتوڻيڪ انجلين ملڪ جي گاڏي جي حادثي ۾ ڪنهن جاني نقصان جو اطلاع نه مليو پر تنهن باوجود واقعي کي ڪارساز واقعي سان ڳنڍيندي سوشل ميڊيا تي واقعي تي ڪاوڙ جو اظهار ڪيو پيو وڃي.

سيپٽمبر 1, 2024