عامر لياقت جي بيواهه دانيا شاهه ٻي شادي ڪري ڇڏي

لوڌران ( ويب ڊيسڪ ) مشهور ٽي وي ميزبان ڊاڪٽر عامر لياقت مرحوم جي بيواهه دانيا شاهه ٻي شادي ڪري ڇڏي.
دانيا شاهه پنهنجي هڪ وڊيو بيان ۾ ٻي شادي جي تصديق ڪئي، هن چيو ته ڪجهه مهينا اڳ هن شهزاد نالي شخص سان ٻي شادي ڪري ڇڏي آهي.
وڊيو بيان ۾ هن چيو ته سندس زندگي ۾ کوڙ سارا مسئلا هلي رهيا هئا، هڪ ساٿي جي ضرورت هئي، هڪ اهڙي مرد جي ضرورت هئي جيڪو هر هنڌ منهنجو ساٿ ڏئي سگهي.
ياد رهي ته دانيا شاهه کي 2022ع ۾ عامر لياقت جي اڻوڻندڙ وڊيو وائرل ڪرڻ جي الزام هيٺ لوڌران مان گرفتار ڪري ڪراچي منتقل ڪيو ويو هو، جنهن کانپوءِ ڪيئي مهينن بعد عدالت سندس آزادي جو حڪم جاري ڪيو هو.