دادو: ساس جي پندرهن وار گڏجاڻي مارو جمالي جي صدارت ھيٺ ٿي گذري

دادو(رپورٽ:سرور جلال سولنگي ) سنڌي ادبي سنگت دادو جي پندرهن وار گڏجاڻي ناليواري شاعر مارو جمالي جي صدارت ۾ ٿي گذري
جنهن ۾ رجب آزاد ٻاراڻو نظم ٻڌايو،برج لال بيوس غزل،قاسم پنهور ڪافي،عمران سومرو غزل،تابش بخاري سرائڪي وائي،سجاد يوسف غزل، مير پنهور گيت، راهب جمالي غزل، عابد سولنگي غزل ۽ عبد الوهاب چارڻ ثقافتي غزل ۽ صوفي غلام مصطفي خادم فقير ڪافي ٻڌائي پنهنجون تخليقون تنقيد ۽ اصلاح لاءِ پيش ڪيون،
شاعرن جي تخليقن تي موجود سمورن دوستن سان گڏ عبدالشڪور چارڻ، شعبان اختر،مسعود شيخ ،راجا بدرالدين جن اصلاحي تنقيد ۾ حصو ورتو. آخر ۾ صاحب صدر مارو جمالي پڻ پنهنجو غزل پيش ڪيو.
گڏجاڻي ۾ حڪومت طرفان هزارين ايڪڙ زمين غير واسطيدارن کي 20 سال ليز تي ڏيڻ خلاف قرارداد پاس ڪئي وئي ۽ حڪومت کان اهو فيصلو واپس وٺڻ جو پڻ مطالبو ڪيو ويو ۽ چيو ويو ته ان زمين تي سنڌ جي بي زمين هارين جو حق آهي ۽ کين ئي ڏني وڃي، سنگت ميمبرن گڏجاڻي ۾ ضلعي سرڪار کان مطالبو ڪيو
ته دادو شهر ۾ امن وامان بحال ڪيو وڃي ۽ هٿرادو مهانگائي ختم ڪئي وڃي ۽ موندر ناڪي ڀرسان ٺهندڙ روڊ جو رهيل ڪم جلد مڪمل ڪرايو وڃي. گڏجاڻي ۾ زونل مئنيجر سئي گئس کان مطالبو ڪيو ويو ته گئس جو پريشر وڌائي صارفين مان بيچيني ختم ڪئي وڃي.
ڊسمبر 23, 2023