سکر : تنظيم پاڪستاني جي سربراهه ڊاڪٽر سعيد اعواڻ جي اڳواڻي ھيٺ مھانگائي خلاف احتجاج

سکر (ررپورٽ: امداد علي گل ڪلوڙ)تنظيم پاڪستاني جي سربراهه ڊاڪٽر سعيد اعواڻ جي اڳواڻي ۾ بجلي، پيٽرول ۽ کاڌي پيتي جي شين جي قيمتن ۾ رڪارڊ واڌ خلاف گهنٽا گهر چوڪ تي عوامي احتجاج ڪيو ويو،

ان موقعي تي ڊاڪٽر سعيد اعواڻ،مشرف محمود قادري،اغا اکرم دراني،عامر عباسي ،حاجي رياض کوکر،حامد علي ميمن،مولانا افضل حسيني و ديگر چيو ته  حڪمران آءِ ايم ايف جون شرطون ملڻ ڪري عوام کي مهانگائي جي دلدل ۾ ڌڪي رهيا آهن، آءِ ايم ايف جا غلام حڪمران نامنظور آهن، نامنظور آهن، حڪمرانن آءِ ايم ايف جي قرضن تي پنهنجا گهر روشن ڪري عوام کي اوندهه ۾ ڌڪي ڇڏيو آهي.

غربت ۾ مجبور عوام بک ۽ مهانگائي جي عذاب ۾ ڦاٿل آهي.روزاني 500 رپيا ڪمائڻ وارو غريب پنهنجي گهر جو سهارو ڪيئن ٿو هلائي سگهي.بجلي جي اگهن ۾ رڪارڊ واڌ سبب يونٽ 50 کان 70 رپيا پڙهي رهيا آهن. پيٽروليم شين جي اگهن ۾ واڌ، حڪومت کي عوام جي مسئلن جي ڪابه پرواهه ناهي.  ملڪ جون اسيمبليون عوام جا مسئلا حل ڪرڻ بدران سياستدانن ۽ طاقتورن جي حمايت ڪري رهيون آهن ۽ جمهوريت هڪ مذاق بڻجي وئي آهي،

قانون ٺاهيندڙن قانون جي دھلائي ڪئي آهي، جاگيردار ۽ سرمائيدار ڪڏهن به عوام جي تڪليفن جو مداوا نه ڪري سگهندا. وقت واضح ٿي ويو ته حڪمران طبقو ۽ اپوزيشن ڪڏهن به ملڪ جا مسئلا حل ڪرڻ لاءِ سنجيده نه ٿيندا، رڳو ڪرسي جو لت آهي، هڪ ٻئي تي نعرا هڻي، نعرا هڻي قوم کي ياد ڏياريو ويو ته حڪمران اسان آهيون ۽ توهان محکوم آهيون.

پاڪستانين کي سوچڻو پوندو ته ملڪ جو درد رکندڙ ماڻهن کي اسيمبلين ۾ ڪيئن آندو وڃي ۽برياني جي پليٽ تي اڳواڻن سان فوٽو سيشن ڪري ووٽ نه ڏيو، ووٽ ان کي ڏيو جيڪو IMF جو ڪشڪول ٽوڙي. پاڪستان جون سموريون سياسي پارٽيون قومي مفادن بدران ذاتي مفادن لاءِ وڙهي رهيون آهن.

آگسٽ 7, 2023