سيوھڻ شريف ۾ به لبيڪ ياحسين جون صدائون بلند، جلوس برآمد

سيوھڻ شريف (رپورٽ: محمد صفر سيوھاڻي) سڄي ملڪ جيان سيوھڻ شريف ۾ به لبيڪ ياحسين جون صدائون بلند ٿي ويون، مختلف جڳھين تان ڪربلا جي شهيدن جي ياد ۾ جلوس برآمد ڪيا ويا.

 سيوھڻ شريف  تفصيل موجب ڪربلا جي شھيد حضرت امام حسين عليه السلام ۽ سندن جانثار شھيدن جي ياد ۾ ڀيٽا پيش ڪرڻ وارو سلسلو جاري آھي ان سلسلي ۾ 3 محرم الحرام واري رات جي وقت 2جلوس برآمد ڪيا ويا،

پھريون جلوس لڪياري ساداتن جي پڙ تان منير شيخ ۽ شيخ برادري جي اڳواڻي ۾  برآمد ڪيو ويو، ۽ ٻيو مرڪزي پينگي جو  جلوس سبزواري ساداتن جي پڙ تان ڊاڪٽر سيد مھدي رضا شاھ سبزواري ۽ سبزواري ساداتن جي اڳواڻي ۾ برآمد ڪيو ويو

جنهن ۾ عزادارن وڏي انگ ۾ شرڪت ڪئي جلوس پنھنجي روايتي روٽ مطابق مختلف رستن تان ٿيندو درگاھ حضرت لعل شھباز قلندر جي مزار جي قديمي وڏي علم پاڪ جي صحن تي پھتو جتي عزادارن عزاداري ۽ گول پٽ جو ماتم پڻ ڪيو ويو،

جلوس جي گذر گاھ جي  رستن تي سڪيورٽي جا انتظام انتھائي سخت ڪيا ويا ھئا، ۽ صفائي جو پڻ بندوبست ٿيل ھئو ۽  عزادارن جي لاء لنگر نياز ٿڌو پاڻي ۽ شربت سبيلون پڻ لڳايون ويون ھيون جلوس ساڳيء رستي تان واپس ٿيندي پنھنجي جاء تي نھر ٿيو .

جُولاءِ 23, 2023