”وقت آيو ته پي ٽي آءِ چيئرمين کي گرفتار ڪنداسين“
فيصل آباد (ويب ڊيسڪ) پنجاب جي نگران اطلاعات واري وزير عامر مير چيو آهي ته پي ٽي آءِ چيئرمين تي 9 مئي سانحي جا 8 ڪيس آهن، وقت آيو ته کيس گرفتار ڪنداسين.
پنهنجي بيان ۾ عامر مير چيو ته 9 مئي سانحي جا 58 جوابدار ملٽري ڪورٽس ۾ وڃي چڪا آهن، سوين جوابدارن کي پوليس گرفتار ڪيو آهي ۽ ڪيس هلي رهيا آهن.
هن چيو ته پي ٽي آءِ چيئرمين تي 9 مئي سانحي جا 8 ڪيس آهن، وقت آيو ته کيس گرفتار ڪنداسين، 9 مئي تي نگران وڏي وزير پوليس کي گولي نه هلائڻ جي هدايت ڪئي هئي.
سندس چوڻ هو ته 9 مئي تي سڄي پنجاب ۾ ڪٿي گولي نه هلي، جي ايڇ ڪيو ۽ لاهور ۾ ڪور ڪمانڊر هائوس تي حملي تي به گولي نه هلائي وئي، 9 مئي تي پوليس وارا به زخمي ٿيا.
اي پيپر
