سڄي ملڪ ۾ پيٽرول پمپ بند ڪرڻ جي ڌمڪي
لاهور (ويب ڊيسڪ) پيٽروليم ڊيلرز ايسوسيئيشن سڄي ملڪ ۾ پيٽرول پمپ بند ڪرڻ جي ڌمڪي ڏئي ڇڏي.
پيٽروليم ڊيلرز چيئرمين سميع خان موجب پيٽروليم شين جي وڪري تي موجوده مارجن تي ڪم ڪرڻ ممڪن ناهي، 12 جولاءِ تي لاهور ۾ پيٽروليم ڊيلرز جو هنگامي اجلاس طلب ڪيو ويو آهي، جنهن ۾ مارجن سميت حڪومت کان مطالبن ۽ پيٽرول پمپ بند ڪرڻ بابت فيصلو ڪيو ويندو.
هن چيو ته بجلي، ملازمن جي پگهارن، وياج جي شرح، ٽيڪسن ۽ ٻين خرچن ۾ واڌ سبب موجوده مارجن تي ڪم ڪرڻ ناممڪن آهي، سمگل ٿيل پيٽرول ۽ ڊيزل سان ڊيلرز جي سيل ۾ 40 سيڪڙو گهٽتائي آئي آهي.
سندس چوڻ هو ته ڪاروبار جي لاڳت ۾ واڌ سبب چئلينجن کي منهن ڏئي رهيا آهيون، موجوده مارجن تي ڪم ڪرڻ کان بهتر آهي ته ڪم بند ڪري ڇڏيون، حڪومت ڊيلرن جو پنج سيڪڙو مارجن بحال ڪري.
اي پيپر
