موتمار گرمي، اين ڊي ايم اي جون عوام کي اهم هدايتون
اسلام آباد (ويب ڊيسڪ) نيشنل ڊزاسٽر مئنيجمينٽ اٿارٽي (اين ڊي ايم اي) شهرين کي خبردار ڪيو آهي ته گرمي ۾ لڱ ساڙيندڙ هوا موتمار ثابت ٿي سگهي ٿي.
نيشنل ڊزاسٽر مئنيجمينٽ اٿارٽي گرمي جي سخت لهر سبب شهرين لاءِ الرٽ جاري ڪيو آهي، جنهن ۾ چيو ويو آهي ته گرمي ۾ لڱ ساڙيندڙ هوا احتياط نه ڪرڻ سان موتمار ثابت ٿي سگهي ٿي، گرمي جي شدت کان بچڻ لاءِ سادي پاڻي جو وڌ کان وڌ استعمال ڪيو وڃي ۽ ڪاربونيٽڊ ڊرنڪس کان پاسو ڪيو وڃي.
اين ڊي ايم اي چيو آهي ته ڏينهن جو سخت گرمي وقت ٻاهر نڪرڻ کان پاسو ڪجي، تيز اُس ۾ مٿو ڍڪي ٻاهر نڪرو ۽ جسم ۾ توانائي جي کوٽ پوري ڪرڻ لاءِ ليمي پاڻي ۽ او آر ايس جو استعمال ڪيو.
الرٽ ۾ چيو ويو آهي ته هلڪا ۽ نرم ڪپڙا پايو، گرمي ۾ جيڪڏهن ڪو بيهوش ٿي وڃي ته مٿي تي ٿڌو پاڻي وهايو، بيمارن، بزرگن ۽ ٻارن جو خاص خيال رکو.
اي پيپر
