صحافي پنهنجي قلم ذريعي تمام وڏي ڏکيائين کي منهن ڏيندا آهن، صحافي سماج جي اک ۽ ڪن لاءِ ڪم ڪندا آهن: گورنر سنڌ

ڪراچي(رپورٽر)گورنر هائوس ۾سنڌ ميڊيا فورم پاران پنج سينيئر صحافين جي استقباليه تقريب منعقد ڪئي وئي، تقريب ۾ گورنر سنڌ ڪامران خان ٽيسوري خاص مهمان طور شرڪت ڪئي، تقريب ۾ سنڌ جي گورنر قمر احمد، شاهد حسين، رفيق شيخ، شير محمد خاور ۽ خدا بخش ارباب کي صحافتي خدمتن تي ايوارڊ ڏنا، تقريب کي خطاب ڪندي سنڌ جي گورنر چيو ته صحافي پنهنجي قلم ذريعي تمام وڏي ڏکيائين کي منهن ڏيندا آهن، صحافي سماج جي اک ۽ ڪن لاءِ ڪم ڪندا آهن، سندس قلم مان نڪرندڙ لفظ عوام جي مسئلن کي اجاگر ڪن ٿا، ھن چيو تہ اسان کي فخر آهي ته هن ملڪ اسان کي سڀ ڪجهه ڏنو، سوال اهو آهي ته اسان هن ملڪ کي ڇا ڏنو؟  هن چيو ته پاڪستان ۾ تمام گهڻي صلاحيت موجود آهي، رڳو خلوص ۽ درست سمت جو عزم ضروري آهي، اڄ اسان کي پنهنجي لاءِ واضح هدايت جو تعين ڪرڻو پوندو ۽ پنهنجي وسيلن جو ڀرپور استعمال ڪرڻو پوندو ته جيئن ملڪ ۾ نمايان مقام حاصل ڪري سگهون، هن چيو ته ميڊيا جو ڪردار تمام اهم آهي، توهان جي ٿورڙي ڪوشش سان عوام ۾ ان بابت شعور پيدا ڪري سگهون ٿا، اچو ته سڀ گڏجي اهو عهد ڪريون ته پاڪستان جي بقا، سلامتي ۽ استحڪام لاءِ سڀ ڪجهه ڪنداسين ۽ ترجيح ڏينداسين