ڪور ڪمانڊر ڪانفرنس: پاڪستان جي ايٽمي پروگرام تي اعتماد جو اظهار  

راولپنڊي (ويب ڊيسڪ) آرمي چيف جنرل قمر جاويد باوجوه جي سربراهي ۾ ٿيندڙ ڪور ڪمانڊر ڪانفرنس ۾ اينٽي ڪمانڊ ۽ ڪنٽرول اسٽرڪچر تي مڪمل اعتماد جو اطهار ڪيو ويو آهي. آءِ ايس پي آر موجب جي ايڇ ڪيو ۾ آرمي چيف جنرل قمر جاويد باجوه جي سربراهي ۾ ڪور ڪمانڊر ڪانفرنس ٿي جنهن ۾ ملڪ جي اندروني ۽ ٻاهرين سيڪيورٽي صورتحال جو جائزو ورتو ويو. آءِ ايس پي آر موجب ڪور ڪمانڊر ڪانفرنس ۾ ٻوڏ کان پوءِ ريليف ۽ بحالي جي ڪمن جو جائزو ورتو ويو ۽ سنڌ بلوچستان ۾ ٻوڏ کان پوءِ جي صورتحال تي غور ڪيو ويو. ڪانفرنس ۾ ايٽمي ڪمانڊ ۽ ڪنٽرول اسٽرڪچر تي مڪمل اعتماد جو اطهار ڪيو ويو. ڪور ڪمانڊر ڪانفرنس ۾ چيو ويو ته پاڪستان ايٽمي هٿيارن سان ليس ذميوار ملڪ آهي ۽ پاڪستان پنهنجي ايٽمي سيڪيورٽي مضبوط بنائڻ جي لاءِ سمورا ضروري قدم کنيا آهن. ملڪ جي اسٽريٽجڪ اثاثن جي سيڪيورٽي جا انتظام مڪمل آهن. ڪور ڪمانڊر ڪانفرنس ۾ آرمي چيف جنرل قمر جاويد باجوه چيو ته پاڪ فوج هر قسم جي خطرن کي منهن ڏيڻ لاءِ ملڪ جي دفاع لاءِ تيار آهي.